Saturday, July 21, 2007

وقائع زمن الهلس

هذا زمن الحق الضائع
زمن الوقت الضائع

هذا زمن الطبالين الزمارين الكهنة

زمن يسكن مثل رياح الصيف تحت أقدام البيزنس

أشيلك

هذا زمن الصوت العالى
أيكم أعلى صوتا يجلس فوق العرش ويمتلك صكوك الغفران
أخفض صوتا يجلس فى موائد العبيد والقيان
يصبح مطاردا عبر أيام تشتهى دمه

هذا زمن الواسطة

يسقط فيه الشرفاء الطامحون لغد أفضل
تنجح ابنة أحدهم فى امتحان المذيعات فى التليفزيون
توصية لها بإنقاص وزنها وتعلم اللغة العربية


هذا زمن الغربة

يظل آخر العشاق النبلاء التعساء يغنون للوطن تحت نافذة المساء

إيقاع أوراق العملة ويخون عشاقه فى الصباح


يعوى القانون مثل الموت فوق رؤوس الغلابة

ويطاردهم كذئب برى

ثم

يتمسح أليفا بالسادة والبهوات


فمتى يأتى زمن يشتهينا مثلما نشتهيه؟؟؟

ربما يأتى وربما !!!!

محمد الرفاعى

Friday, July 6, 2007

وعدت ليالى الامتحانات ... وجت ليالى الأجازة

ليالى الامتحانات
عدت على خير
مرها وشرها وذلها
طبعا هتقول لى فين حلوها
هقول لك الأيام دى مش ليها حلاوة خالص
لا طبعا
طبعا لا
طبعا لا
بجد كانت أيام رهيبة
اللى فى كلية هندسة
وخاصة هندسة مدنى
يفهموا الكلام دا كويس
الخرسانة المسلحة - والستراكشر - والااستيل
والله حتى اللى فى كلية تجارة هم حتى طلعان عينيهم
بس فى حاجة غريبة جدا
أنا لسه مخلص امتحانات
وباتصل بواحد ليا فى كلية تجارة
أقول له إنى خلصت امتحانات
لقيته بيقول لى بارك لى أنا نجحت
نجحت ايه يابنى
دا أنا لسه مخلص
على العموم احنا رجعنا ليكم
ويارب تكون أيامنا اللى جاية كويسة وطيبة
وكل عام وانت طيبين

Wednesday, April 25, 2007

حتى لا ننسى

فى ذكرى استشهاد الدكتور الرنتيسى
نهدى العمل البسيط ده
علشان يكون ذكرى لينا كلنا
وماننساش دايما
إننا أصحاب رسالة
وأصحاب مبادىء وقيم

'

Tuesday, April 10, 2007

الدماغ المصرية المتكلفة

تحبوا تشوفوا دماغ المصرى المتكلفة
أحلى دمااااااااااغ

Monday, April 9, 2007

!! اتقوا الله فى مصر!!

'

معقولة الناس دى هتموووووووت
فيديوهاية وصلتنى
يارب تعجبكم

Saturday, April 7, 2007

شارك معانا فى يوم اليتيم


برعاية جمعية النور الخيرية
يتم عمل
حفل خيرى علشان أسر الأيتام
بمناسبة
بوم اليتيم
يوم السبت السابع من إبريل

بمضيفة المسجد بوسط البلد
مش وسط البلد بتاعة القاهرة طبعا
لا دا وسط بلد برضه
بس بتاعتنا احنا

تحت شعار
"أشرف وأكرم يتيم ... محمد صلى الله عليه وسلم"
والمفروض أنه هيكون فى أكتر من100 أسرة
دا غير الشخصيات العامة اللى دعيناها
وهيكون فى حفلة وتوزيع بعض الهدايا على الأولاد
"فقرات ترفيهيه وأناشيد ومسرحيات"
وربنا يسهل وتتم على خير
يارب

Tuesday, April 3, 2007

المؤتمر خلص وكل واحد راح لحاله



الحمد لله
خلص المؤتمر بنقابة الصحفيين
الخاص بــ
الحملة الدولية ضد الاحتلال الأمريكى والصهيونى
من أجل تحالف عالمى بين القوى المقاومة للإمبريالية والصهيونية

بس كانوا أربع تيام جامدين مووووووووووت
طلع عينينا فيهم
بس الحمد لله كان ربنا موفقنى فيهم
أصحى السبح
أنزل من مدينة نصر على التحرير
مشوااااااااااااار
وهناك بأة يبدأ الدعك
وأرجع بالليل بعد عذاب شااااااااااق طول النهار

أحسن حاجة أنى اتعرفت على أصحاب مدونات كتير
وأكيد طبعا مش ها أنسى
مدونة أنا حر
كانت دى بصراحة أكبر إيجابية بجانب أنى
مشيت لسانى شوية فى الانجليزى والفرنساوى
((لزوم الشغل))
والترجمة
وحاجة تانية برضه أنى اتعرفت على شخصيات جامدة
بس أقدر أقول أنه أفضل بكتير من مؤتمر السنة اللى فاتت
لإن محمود حبيب ألبى ما كانشى موجود معاى
ودى كانت أحسن حاجة
المهم الحمد لله
أنا رجعت دلوأتى بورسعيد
وادعولى أقضى يومين حلوين يارب



Thursday, March 29, 2007

شارك فى المؤتمر العالمى الخامس


بدأ اليوم الخميس 29 مارس ويستمر حتى 1 أبريل 2007
مؤتمر القاهرة الخامس
"من أجل بناء تحالف عالمي بين القوى المقاومة للإمبريالية والصهيونية"
ملتقى تجمع المناضلون والنشطاء من مصر والبلدان العربية وأوروبا وآسيا وأمريكا.
قوميون وإسلاميون واشتراكيون ومستقلون


وذلك بنقابة الصحفيين بالقاهرة

حصريا من داخل مجلس الشعب

أعضاء مجلس الشعب اللى قالوا

لا للتعديات الدستورية

طبعا مش كل النواب قالوا نعم زى بتوع الحزب الوطنى

لكن فى نواب أبطال قالوها
بكل قوة

لا للإنقلاب الدستورى

وأسيبكم بأة مع شوية الصور دى




















Tuesday, March 27, 2007

للكوسة فى بلادى شؤووووووون


للكــوســــة فى بلادى شئووووون

بتخلي المسنود فرعون
يتفرعن فين مهما يكون
وتخلي الجاهل أستاذ
والأعرج لاعب جمباز
وتخلي الأحول هداف
والكوره الآوت ف الجون

للكوسه ف بلادي شئون
لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون

ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون
ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
لكن لو شاعر غلبان
قلت اللي ف نفسك على طول
حيقولو مين قال لك قول
ويهاجمك مليون إنسان
وأكيد من غير ما أوضح أوأقول
الموضوع طبعا منقول

Monday, March 26, 2007

إنا لله وإنا إليه راجعون


"وإن منكم إلا واردها كان على ربك حتما مقضيا"


الراجل الكبير




الراجـــــل الكبيـــــر



بعد التحيه وبعد السلام

ازيك يا ريس وازى المدام

ازيك كده وازى العيال

وايه اخبار الواد جمال

هتمسكوا امه الرئاسه

الواد يا عم خلاص كبر

مسكهالو فى الخباسه

واوعو الشعب ياخد خبر




وقبل ما انسى

انا بشكرك

علشان يعنى بتسأل علينا

ربنا ياريس يقدرك

ويخليك كمان لينا

شكرن يا ريس على كل حال

الشعب كويس وفل وعال

الشعب واكل

ما عندوش مشاكل


والشباب شغال

واللى يقولك فى بطاله

والمواصلات مش شغاله

والحكومه بحالها زباله

ولازم تتشال

ابعتله بسرعه

ولاد الحلال

من أفاه هيشحنوه

وهيكرموه ويشغلوه

فى ابو زعبل يكسر جبال

اهو احسن من قاعده القهاوى




ويقعد يقول كوسه ورشاوى

ويقول عليك كلام بطال


وفى الختام

منا السلام لبطلنا الهمام

بطل الوعود وكتر الكلام

يــــــوم تاريخـــى فى سمـــــاء مصــــر

يوم تاريخى فى تاريخ مصر كلها
ويوم تاريخى فى مجال التدوين فى مصر
هتقول لى ليه طيب ؟؟
هقول لك لإن فى يوم الاتنين
26 / 3 / 2007
كان يوم الاستفتاء علىالتعديات الدستورية
طب ويوم فى تاريخ التدوين ليه ؟؟
هقول لك
لإن دا يوم انطلاق مدونتنا
(( !!هو فى ايه!! ))
ربنا يسهلها ويسترها
إن شاء الله
وأكيد طبعا هنرحب بكل الاقتراحات
والاستفسارات اللى ها توصل لنا
وخليكم وتواصلوا معانا دايما